Company MBG Rent მომხმარებელს ახალ სერვისს სთავაზობს. ამის შესახებ, Business Insider Georgia-ს კომპანიის სამშენებლო ინვენტარისა და საინჟინრო პროექტების დეპარტამენტის უფროსმა, გიორგი ხუხუნაიშვილმა განუცხადა.
მშენებლობის ბიუჯეტის თითქმის ნახევარი რკინა-ბეტონის კონსტრუქციებზე მოდის, თუმცა ხარჯების რეალური ოპტიმიზაცია არა სამშენებლო მოედანზე, არამედ გაცილებით ადრე, პროექტირების ეტაპზე იწყება.
ჩვენ მომხმარებელს ვთავაზობთ პროექტის სიღრმისეულ ანალიზს, რომელიც უზრუნველყოფს ხარჯების მკვეთრ შემცირებას არა ხარისხის დათმობის, არამედ ჭკვიანური ინჟინრული გადაწყვეტებისა და 18-წლიანი პრაქტიკული გამოცდილების ხარჯზე. ჩვენი ინიციატივა რამდენიმე მარტივ ნაბიჯს მოიცავს.
შეფასება & ანალიზი
ეს არის პროცესი, რომლის დროსაც ჩვენ ვეძებთ გზას, რომ ფუნქცია და ხარისხი დარჩეს უცვლელი (ან გაუმჯობესდეს), ხოლო ხარჯი საგრძნობლად შემცირდეს. ვინაიდან მშენებლობის საერთო ბიუჯეტის 25-40% რკინა-ბეტონის კონსტრუქციებზე მოდის, ამ ეტაპზევე ჩართვა საშუალებას გვაძლევს გამოვავლინოთ დაპროექტების დროს გამოყენებული ზედმეტი მასალები.
მნიშვნელოვანია გვახსოვდეს, რომ არმატურით გადატვირთული პროექტი არ ნიშნავს მყარ კონსტრუქციას. ზედმეტი არმატურა კონსტრუქციას ზედმეტად ხისტს ხდის, რაც სეისმური ბიძგების დროს ზრდის შენობის მზიდი კონსტრუქციის დაზიანების რისკს – გადატვირთული კონსტრუქცია კარგავს დრეკადობას. ჩვენი ანალიზი უზრუნველყოფს პროექტის ტექნოლოგიურობას – კონსტრუქციული კვანძების ისეთ დაგეგმარებას, რომელიც გამორიცხავს რთულად შესასრულებელ ელემენტებს და აჩქარებს მშენებლობის ტემპს.
ყველა პროექტი ინდივიდუალურია, სწორედ ასეთია ჩვენი მიდგომაც რაც გამორიცხავს გამოსაყენებელი მასალების ირაციონალურ ხარჯვას. საბოლოო ჯამში, თქვენ ზოგავთ თანხას მასალაში და შედეგად იღებთ უფრო მდგრად კონსტრუქციას.
ადაპტირება & მორგება საყალიბე სისტემებზე
ბუნებრივია, რომ ჩნდება კითხვა რას ნიშნავს საყალიბე სისტემებზე მორგებული/ადაპტირებული პროექტირება?
ჩვენ ვაპროექტებთ კონსტრუქციულ ელემენტებს (სვეტები, პილონები, დიაფრაგმები, ლიფტის შახტები, მონოლითური კოჭები, გადახურვის ფილები) ისეთი გეომეტრიული პარამეტრებით, რომლებიც იდეალურად ერგება საყალიბე პანელების სტანდარტულ ზომებს.
რესურსების ოპტიმალური გამოყენება ხდება მაშინ, როდესაც პროექტი მორგებულია ყალიბზე, მინიმუმამდე დადის მასალის (ფანერა, ხე) დანაკარგი და ნარჩენების რაოდენობა.
საყალიბე სისტემების აწყობა და დაშლა ხდება ბევრად სწრაფად და ნაკლები ადამიანური რესურსით. პროექტირებისას მიღებული გონივრული გადაწყვეტილებები და ადაპტირება მხოლოდ ნახევარი გზაა. გადამწყვეტი ეტაპი მათი ზუსტი აღსრულებაა.
ტექნიკური ზედამხედველობა
ხშირად, პროექტის ოპტიმიზაციის შემდეგ ჩნდება კითხვა: როგორ ვიყოთ დარწმუნებულები, რომ დაზოგილი ბიუჯეტი ხარისხის ხარჯზე არ მიიღწევა? პასუხი ზედამხედველობაშია.
პროექტირების ეტაპზე ჩვენ ვამბობთ, რომ „ზედმეტი არმატურა არ ნიშნავს მყარ კონსტრუქციას“. თუმცა, იმისათვის, რომ დაზუსტებულმა, გონივრულმა რაოდენობამ მაქსიმალური ეფექტით იმუშაოს, მისი განლაგების სიზუსტე კრიტიკულია. სწორედ აქ ერთვება Money-Back Guarantee-ის ტექნიკური ზედამხედველობის გუნდი.
პროექტირება გვაძლევს ეფექტურ გეგმას, ხოლო ზედამხედველობა – ამ გეგმის ზედმიწევნით შესრულებას.
ეს არის გარანტია იმისა, რომ ოპტიმიზირებული პროექტი ფურცლიდან რეალობაში უცვლელად გადავა. მისი მეშვეობით ხდება ზუსტი კონტროლი, რათა არ მოხდეს პროექტიდან გადახვევა და შენარჩუნდეს კონსტრუქციის სეისმური დრეკადობა, რაც უსაფრთხოების მთავარი პირობაა. საბოლოო ჯამში, ჩვენი გუნდის ჩართულობა გამორიცხავს მასალების ფლანგვასა და შეცდომებს რაც უზრუნველყოფს რეალურ ფინანსურ დაზოგვას ხარისხის კომპრომისის გარეშე.
MBG-ის ინოვაციური სტანდარტი გულისხმობს მშენებლობის ხარჯების მაქსიმალურ ოპტიმიზაციას პროექტირების ეტაპზევე, სადაც ჭკვიანური ინჟინრული გადაწყვეტებით, საყალიბე სისტემებთან ადაპტირებითა და ზედამხედველობით მიიღწევა სამშენებლო ხარჯების ოპტიმიზაცია “, – აცხადებს გიორგი ხუხუნაიშვილი.
